მთავარი
 

კეთილი იყოს თქვენი მობრძანება პროექტების მართვის ინსტიტუტის საქართველოს წარმომადგენლობის ვებგვერდზე.

პროექტების მართვის ინსტიტუტის საქართველოს წარმომადგენლობა  - ეს არის თქვენი ადგილი პროფესიული და კარიერული ზრდისთვის, აღიარებისა და კოლეგებთან ურთიერთობისათვის.

წარმომადგენლობა ოფიციალურად დაფუძნდა 2018 წელს და წარმოადგენს პროფესიონალი პროექტის მენეჯერების გაერთიანებას.

 
ჩვენი გუნდი
ლელა მაჩაიძე, პრეზიდენტი

თამარ მაჭავარიანი, დირექტორი კომუნიკაციები & სოციალური მედია & მარკეტინგი

ლელა ფლობს 15+ წლიან სამუშაო გამოცდილებას პროექტის მართვაში. მას აქვს მსხვილმასშტაბიანი და მაღალბიუჯეტიანი (170 მლნ. აშშ დოლარზე მეტი) პროექტების მართვის 10+ წლიანი გამოცდილება მსოფლიოში ცნობილ ამერიკულ კორპორაციებთან, ბექტელი (BNI) და სიეიჩ2მჰილლი (CH2MHILL), სადაც ის საქართველოს წარმომადგენლობის დირექტორის მოადგილის პოზიციას იკავებდა.

 

ლელა ამჟამად არის "PMI თბილისი, საქართველოს წარმომადგენლობის" დამფუძნებელი და პრეზიდენტი, ასევე, საკონსულტაციო კომპანია "პროექტის მართვის ექსპერტების" (pme.ge) დამფუძნებელი და აღმასრულებელი დირექტორი. ლელა ფლობს ჯორჯ ვაშინგტონის უნივერსიტეტის პროექტის მართვის მაგისტრის ხარისხს, თავისუფალი უნივერსიტეტის (ESM) ბიზნესის ადმინისტრირების მაგისტრის ხარისხს - MBA, და PMP (პროექტის მართვის პროფესიონალი) სერტიფიკატს 2012 წლიდან.

თამარი გამოცდილი და PMI-ს მიერ სერტიფიცირებული პროექტის მენეჯერია, ამ სფეროში მოღვაწეობის 10 წლიანი გამოცდილებით. თამარის პორტფოლიოშია პროექტები, რომლებიც განხორციელდა ადგილობრივი და საერთაშორისო პარტნიორების და დონორი ორგანიზაციების დაკვეთით და ჩართულობით, საჯარო და კერძო სექტორის ინსტიტუციური და ორგანიზაციული განვითარების, საზოგადოებასთან ურთიერთობის, ინფრასტრუქტურის განვითარების, აქტივების მართვის და სხვა მიმართულებებით. მას საჯარო და კერძო სექტორში წამყვან პოზიციებზე მუშაობის 15 + წლიანი გამოცდილება აქვს. ამჟამად თამარი საკონსულტაციო სააგენტო "ჯეპრა"-ს უფროსი კონსულტანტი და საერთაშორისო პროექტების კოორდინატორია. 

თამარი ფლობს ფლობს ჯორჯ ვაშინგტონის უნივერსიტეტის ბიზნესის სკოლის მაგისტრის სერტიფიკატს პროექტის მართვაში (2012), PMP სერტიფიკატს (2013) და არის პროექტების მართვის ინსტიტუტის წევრი 2015 წლიდან.

ივანე ნადირაძე, დირექტორი 
პროფესიული განვითარება და განათლება 

ბექა ჭულუხაძე, დირექტორი
წევრობა და მოხალისეობა

ვანო PMI-ს მიერ სერტიფიცირებული, 12+ წლიანი გამოცდილების მქონე მენეჯერია პროექტების, პროგრამების და პორტფელების მართვაში. მას წარმატებით აქვს განხორციელებული პროექტები სხვადასხვა ფინანსურ ინსტიტუტებში და საჯარო სექტორის ორგანიზაციებში, ისევე როგორც  IT მენეჯმენტის და StartUp მენეჯმენტის მიმართულებით. არის პროექტის მართვის პროფესიონალი ტრენერი. ​

​ვანო ფლობს  MS მათემატიკასა და ინფორმატიკაში, ჯორჯ ვაშინგტონის უნივერსიტეტის ბიზნესის სკოლის მაგისტრის სერტიფიკატს პროექტის მართვაში, PMP სერტიფიკატს (2016) და არის პროექტების მართვის ინსტიტუტის წევრი 2015 წლიდან.

ბექა PMI-ს მიერ სერტიფიცირებული პროექტის მენეჯერია, სამთავარობო, არასამთავრობო და ბიზნეს სექტორში, პროექტის მენეჯერის და სხვადასხვა წამყვან პოზიციებზე მუშაობის 10+ წლიანი გამოცდილებით . 

მის პორტფელში შედის როგორც საჯარო ისე კერძო სექტორში განხორციელებული მასშტაბური პროექტები, როგორც "ვოთერფოლ", ასევე "ეჯაილ" მეთოდოლოგიის გამოყენებით.

 

ამჟამად ბექა კომპანია „თბს ლიზინგის“ საოპერაციო დეპარტამენტის და პროექტების მართვის ოფისის ხელმძღვანელია.

 

ბექა ფლობს ჯორჯ ვაშინგტონის უნივერსიტეტის ბიზნესის სკოლის მაგისტრის სერტიფიკატს პროექტების მართვაში (2014), არის საიდის ბიზნეს სკოლის (ოქსფორდი) ფინტეკ პროექტების მართვის კურსდამთავრებული (2019), PMP სერტიფიკატის მფლობელი (2014), გაეროს წარმომადგენელი ტრენერი პროექტების მართვის მიმართულებით (2018-2019) და პროექტების მართვის ინსტიტუტის წევრი (2019).

გიორგი გონგლიაშვილი, დირექტორი
მართვა და პოლიტიკა 
გიორგი ბეგიაშვილი, დირექტორი 
ფინანსები

გიორგი გამოცდილი პროგრამის მენეჯერია, 20 წლიანი გამოცდილებით. 1996-2004 წლებში გიორგი საქართველოს პრეზიდენტის ადმინისტრაციაში მუშაობდა სხვადასხვა მენეჯერულ პოზიციებზე. იგი ხელმძღვანელობდა საქართველოს სიღარიბის დაძლევის პროგრამის შემუშავებას და გახლდათ 8, სხვადასხვა დონორი ორგანიზაციის მიერ დაფინანსებული პროექტის დირექტორი.

2005 წლიდან დღემდე, გიორგი მუშაობს "BP საქართველო“-ში, სადაც ხელმძღვანელობს „მდგრადი განვითარების ინიციატივას“ (კორპორატიული სოციალური პასუხილმგებლობის პროგრამას), რომლის საერთო პორტფელი აღემატება 36 მილიონ ა.შ.შ. დოლარს. მის მიერ ინიცირებულ და განხორციელებულ პროექტებს შორის აღსანიშნავია „პროექტის მართვის კოლეჯი“, რომელშიც 300-ზე მეტმა ქართველმა პროფესიონალმა, 100-ზე მეტი სხვადასხვა ორგანიზაციიდან შეისწავლა პროექტების მართვა. 

 

გიორგი ამავე კოლეჯის კურსდამთავრებულია და ფლობს ჯორჯ ვაშინგტონის უნივერსიტეტის ბიზნესის სკოლის მაგისტრის სერტიფიკატს. გიორგი არის პროექტების მართვის ინსტიტუტის წევრი 2015 წლიდან.

გიორგი PMI-ს მიერ სერტიფიცირებული პროექტის მენეჯერია, ამ სფეროში მოღვაწეობის 18 წლიანი გამოცდილებით.  მას წარმატებით აქვს განხორციელებული პროექტები ადგილობრივ და საერთაშორისო ორგანიზაციებთან ერთად ისეთ სფეროებში, როგორებიცაა საზოგადოებრივი ჯანდაცვა, ჯანდაცვის რეფორმა, პენიტენციური სისტემა, მშენებლობა, საინფორმაციო ტექნოლოგიები, ლოჯისტიკა და ა.შ.

 

2012 წლიდან გიორგი მუშაობს ამერიკულ კომპანიაში - TMC Global Professional Services, რომელიც ამერიკის შეერთებული შტატების მთავრობის დაფინანსებით ახორციელებს პროექტებს სხვადასხვა სფეროში.

 

გიორგი ფლობს ჯორჯ ვაშინგტონის უნივერსიტეტის ბიზნესის სკოლის მაგისტრის სერტიფიკატს პროექტის მართვაში, PMP სერტიფიკატს და არის პროექტების მართვის ინსტიტუტის წევრი 2014 წლიდან. იგი აგრეთვე ფლობს გრენობლის ბიზნეს სკოლის მაგისტრის ხარისხს ბიზნესის ადმინისტრირებაში.

თუ გსურთ დამატებითი ინფორმაციის მიღება, დაგვიკავშირდით ტელეფონის, ელექტრონული ფოსტის ან სოციალური მედიის არხების მეშვეობით.

© 2018 by Project Management Society

  • Black Facebook Icon
  • Black Twitter Icon
  • Black LinkedIn Icon