PMI თბილისი, საქართველოს წარმომადგენლობა წარმოგიდგენთ პოდკასტების სერიას პროექტის მართვაზე. გადაცემას წარმომადგენლობის გუნდის წევრები, მოხალისეები და პროექტების მენეჯერები წაიყვანენ, სტუმრები კი ის ადამიანები იქნებიან, ვისი პროფესია და საქმიანობაც პროექტების მართვას უკავშირდება.
აღნიშნული პოდკასტების შექმნა მიზნად ისახავს ქართულ ენაზე პროექტების მართვის შესახებ ინფორმაციის გავრცელებას ფართო აუდიტორიისთვის და იმ ადამიანების დაინტერესებას პროექტების მართვით, რომლებიც ახლა ირჩევენ კარიერას.
პოდკასტების მოსმენა შესაძლებელია Anchor-ის ონლაინ პლატფორმაზე და წარმომადგენლობის Facebook გვერდებზე.